L projet (Opera n. S-955 de la Provinzia), de chel che se cruzia l’Agenzia provinzièla per la operes publiches, l perveit de fèr na neva soleta de peton che poja sun doi files de micropèi che à la funzion de seponta sun cheles che vegn desćiarià tant l peis del pènt che la autra cèries azidentèles. La strèda la vegnarà slarièda e la sarà lèria 8 metres, con n marciapé da 1,80 metres da duta does la mans de la strèda, con na protezion aldò per arsegurèr maor segureza a la jent che fèsc spazirèdes e raides sul percors.
Pervedù amò apede de fèr su n toch de strèda per jir a pe e co la roda, lonch 100 metres e lèrch 2,5, enlongiajù l Ruf de Pantl (ruf che passa apede Gejia), che passa via stradon sot l pian de la strèda.
Vegn schivà coscita interferenzes col trafich, stravardan chi che va co la roda e la jent che va a pe enlongia ruf.
“Lurieres per comedèr e fèr su da nef l Pont de Lejia su la S.S. 48 de la Dolomites (Opera n. S-955)”
Responsabol del prozediment: enj. Carlo Benigni
Projetist: enj. Fabio Ganz
Coordenador de la segureza te la fasa de projetazion: enj. Fabio Ganz
Suma per i lurieres a basa de encant: 1.427.449,02 euro (lascià fora la SVE)
Termin per la firmes envièdes per portèr dant sia perferida: ai 6 de firé del 2025 da les 12
Pruma sentèda de garejèda: Ai 6 de firé del 2025 da les 14:30
Traduzion di Servijes Linguistics e Culturèi del Comun general de Fascia
