De lesn, tschbunen abia normal gòng van austellring, gem en publikum de gschicht sait va de untersuach va Šebesta, en an klòffen zbischn bourt ont musik as runt schea’ ist ver a mol ausbende, en hèrz va oa’n van lender van tol.
Bail en mol bart plòtz gem kemmen en de bersntoler sproch, pet de lesn af bersntolerisch va oa’n van gschichtn tschrim va Šebesta ont ibersetzt van don Jackl, an pfòff va Vlarotz as oa’n van earstn gaben ist za studiarn de sproch, ont va de Rosa Corn van Raich, oa’na van bichtestn lait as nochrichtn gem hòt ver de òrbet van etnograf en tol.
Der trèff en Kamaovrunt ist der zboate van an klender as envirgea’ bart en de summermu’netn ont finz en herbest, asou za viarn de lait keing en sperr va de austell:
- 10 van heibege 2026, um 20:30 - Plòtz van Lenzer, Palai en Bersntol
- 24 van heibeger 2026, um 20:30 - Archeologeschn plòtz Acqua Fredda, Passo redebus, pet pasuach en archeologesche sitz en zòmmòrbet pet de Leardinstn van Omt ver de archeologesche pahalter van Ouberregiar ver de kultural pahalter va de Autonome Provinz va Trea’t
- 4 van leistagest 2026, um 20:30 - Museum Pietra Viva, Schandurschl, en zòmmòrbet pet en Museum Pietra Viva
De naikait ist envirtrong van Bersntoler Kulturinstitut pet en unterstitz va de Autonome Region Trentin-Sudtirol. Der inntritt ist vrai.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
