BER MU’ TOALNEMMEN
S meing toalnemmen en de doi naiòrbet de studentn as:
- sai’ noch za mòchen en schualjor 2025/2026 s zboate jor va de zaboateschual va zboate grad va viar jor oder s dritte jor va de scboateschual va zboate grad en balscha schualn;
- hom nèt mear va zboa’sk jor en lest to as men mu’ vourstelln de vrog;
- lem en de Provinz va Trea’t;
- as mòchen toal van a familia as hòt an indicator ICEF “familia” as kimmp auser va de staiersog ont van pahalter 2024, zeilt no de 15 van lestagest 2025, glaich oder minder va 0,83.
BOU
Jorschual en a Lònt aus va de Eurpeische Union.
TAUERN ZAITN
S tauern va de schualzait mu’ bern a jor (nèt minder as 240 ta) oder ver minder zait (mindestn 110 ta).
VOURSTELLN DE VROGN
De vrog ver en studiumprais muast sai’ vourstellt, lai’ online, va um 10.00 van pfinsta as de 27 van òlderhaileng 2025 finz um 12.30 van vrai’ta as de 09 van genner 2026, direkt asn sito www.provincia.tn.it.
S gèlt as bart sai’ zuatoalt bart kemmen gem lai benn as ist garift schualjor 2025/2026 a’ne schualmengeln.
S gèlt as men gip hòt der rif za hèlven za zoln de kostn van lem bail as der student geat en auslònt za learnen, ober de organisazion va de u’lear kimmp galòk en student ont en de familia. S gèlt as bart kemmen gem bart bècksln noch en Lònt tschèrlt, noch en bern (s gònz jor oder a kirzera zait) ont en indicator ICEF “Familia”.
Der paitrog ist va 500 tausnt euro ont men stimmt za meing zuazoln ungefèr visk studiumprais.
Ver mearer nochrichtn asn sito www.provincia.tn.it mu men aronemmen de Nochricht Extra UE.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
