A card ver bem as mindestn 65 jor pet an paitrog va 3.600 euro ver za kaven de prduktn va earste noat kan konvenzioniartn tschefter ont apoteken
S geat au de Silberkòrt Trentin
Traduzione in mòcheno
[Mòcheno] An paitrog va 3.600 euro ver za gem en de òltn lait va mear abia 65 jarder ver za kaven inn, as schoa’ der paitrog A kriang van provinzal òa’zegeschèck. S ist de Silberkòrt Trentin u’ganommen en vraita af de 19 van schantònderer va de Provinzaljunta ont patschrim van Vicepresident Achille Spinelli as vourtschlong hòt s ausrot van projekt. “S ist an speriment as derzuageat en de naikaitn va de Provinzaljunta ver za unterstitzn de familie ont de stòttkearn, iberhaup de sèlln as bea’ne kriang ont as ver dòs mear riskiarn za kemmen zaruckgaborven va de gasèllschòft - de beirter van vicepresident-. En de leistn jarder s lem kostet òlbe mear ont dòs hòt en krisi galeik de schoa’ kloa’ kròft za kaven inn van doin lait. Pet en doi plunder gea ber za leing derzua gèlt en Provinzal Oa’zegeschèck, asou za gem a gahassega hilf ver za kaven inn de guatn va earste noat”.
Pet en doi moss geat men za gem, una tantum ont derzua en paitrog A, a gèlthilf en de familie as schoa’ kriang der POS - paitrog A ont as de rèchtn hom za kriang sa.
S gèlt kimmp ausgem abia kredit va 3.600,00 euro en gònzn, as praucht kemmen mu van lait selber ont van delegiartn zbischn de Silberkòrt trentin ver za kaven inn guatn en de tschefter ont en de apoteken as toalnemmen.
De Provinz en de bochen as kemmen bart aunemmen de lista van tschefter as toalnemmen ont derno de bart ausgem de card en de lait as s rècht hom ont as barn kan provinzaltirler gea’ meing ver za nemmen sa.
S klòfft der vicepresident Spinelli
De pilder
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(cdt)
Immagini
