Traduzione in mòcheno
Rosmini, Russell, Curie ont Martini, de doin sai’ de schualn van Made en Italy en Trentin van schualjor as kimmp
De nain schualring barn u’heiven en leistagest. Gerosa: "De doi nai schual bill sai’ de unterschit en de birtschòft sektorn as derstelln der Trentin"
[Mòcheno] De sai’ viara de trentinisce schualinnricht as van leistagest as kimmp barn auleing der nai schualring Made en Italy (LMI). S hòts es vour de mosnemm vourtschbunnen va de vicepresident ont assessoreren va de u’lear Francesca Gerosa u’ganommen va de Provinzaljunta. Derno as s ist kemmen gabèckslt der verregl ver de provinzal u’lear ver de zboate schual, ont s ist kemmen drinn galeick der nai stunnenplan ver de earstn zboa jor ont ver de drai leistn jarder va de nai schual van Made en Italy, a toal schualinnrichtn hom u’ganommen s u’vong van nai schualring ont derno de mosnemm as vernaiert der rom va de provinzal u’lear ont de schualopfer ver za meing u’vongen en schualjor as kimmp der LMI kan Liceo A. Rosmini va Trea’t, der Liceo B. Russel va Cles, der u’lear institut M. Curie va Persn Valzegu’ ont der u’lear institut M. Martini va Mezzolombardo.
"De doi nai schual bill de unterschit mòchen en de doin birtschòft sektorn as paschraim der Trentin: der turismus ont de lòntschòft. Meareru’lear, bèrkstòtt ont raicha ont strukturiart bissn, as kearn en de mentschbisschòft, sai’ s schossbourt en doi nai schualring”, hòt derklort de vicepresident Gerosa.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(cdt)
Immagini
