Disa iz da lest bòtta boma mage inngem di vorsch nå disarn normatìf, vorda bart khemmen inngevüart dar “naüge Progettone” vor disan di vorsch bartn mang khemmen inngètt åhevante von earst von prachant 2026, nå dar vornaügarung von prodjèkt boda iz khent ågenumpo sidar bintsche zait .
Bazta iz mångl zo maga inngem in vorsch:
- soin åna arbat odar arbatn sèlbart un nèt soin inngeschribet in soinar previdéntz, pittnan gebinn geschètzt untar di 4.800 euro vorz djar boda khint inngètt dar vorsch;
- Håm untarschribet in Pakt vor in Dianst pinn Zentrum vor di Arbat;
- Håm soin vonsitz un lem in di Provìntz vo Tria sidar daz mindarste 5 djar nå un nå, odar zo habada gelebet daz mindarste 10 djar in soin lem ma håm soin vorsitz un lem almånko sidar a djar in Provìntz balda khint inngètt dar vorsch;
- Håm daz mindarste 49 djar vor di baibar un 53 vor di månnen. Vor berda iz inngeschribet in gesetz 68/99 iz genumma håm 44 djar vor di baibar un 48 vor di månnenn.
Zo haba mearare informatziongen
Vor in stadjonàl “Progettone” årüavan in Servizio per il Sostegno Occupazionale e la Valorizzazione Ambientale (SOVA) – Åmt vor in koordinamént von ågestèllte:
Telefón: 0461 496168
Email: serv.sova@provincia.tn.it
Übarsetzt von Schaltarle vor di zung von Toalkamou vodar Zimbar Hoachebene
