L pest, anual, metù a jì dal 2007 inant, é sté na scomenciadiva dl enj. Alberto De Cia, mort ai 13 de fauré dl 2015, en recordanza de sia femena, la Contessa Caterina De Cia Bellati Canal, laureeda de Glotologia del 1948 tla Université de Padua, col prof. de nonzech Tagliavini, y vegnuda a mancé dl 2006.
Sia tesa sul lengaz aloglot de Timau/Tischlbong, tla provinzia de Udin, vegn ciamò ancueicondì recordeda dai comembri dl zircol cultural “G. Unfer” de Tischlbong, sciche “la Bibla de nosta rejoneda” y l’autoura é ciamò tla memoria dles persones che l’ova conesciuda tratant sie laour de enrescida.
L Pest, con senta enchin al 2023 pro l I.B.R.S.C. (Istituto Bellunese di Ricerche Sociali e Culturali), vegn da la edizion 2025 inant, metù a jì en colaborazion anter l Istitut Cultural Ladin “majon di fascegn” de Sèn Jan, l Istitut Ladin Cesa de Jan de Col, l Istitut Ladin Micurà de Rü de San Martin de Tor y la Université Ledia de Bulsan. La pert finanziara dl Pest vegn manejeda dal esecutour testamentar dr Emilio Baresani Varini.
L pest é resservé a publicazions, teses de laurea magistrales y teses de dotorat che à sciche argoment particolarités antropologiches, culturales y linguistiches de dut l raion dles Alpes. Al pò tò pert al concours persones singoles, editoures y ciases assoziazions culturales.
Duta la documentazion storica di ‘Bandi De Cia’ enchin al 2023 é tegnuda su da la assoziazion culturala “Gruppo Storico Penna Nera” y é publicheda sun l sit Internet: www.gruppopennanera.it. L recapit mail dla assoziazion é info@gruppopennanera.it.
Dal 2025 inant vegnarà la documentzion metuda a la leta sun l sit dl Istitut Cultural Ladin “majon di fascegn”, te na sezion dedicheda dl sit istituzional www.istladin.net.
Destinatars
La partezipazion al Pest é ledia y debant. I publicazions argomenc dles y dles teses magistrales y de dotorat arà da traté aspec antropologics, culturai y linguistics dl raion dles Alpes y tomé ite ti ciamps de enteres y dles disciplines scrites ju chilò dessot:
- Antropologia
- Archeologia
- Dert - Economia
- Linguistica - Letradura - Critica leterara
- Soziologia
- Storia (medievala, moderna y contemporana)
- Storia dl’ert - Architetura
Les teses magistrales mess ester vegnudes dedes ju y valutedes da na université ti ultims cinch agn, donca a pié via dal 2021 inant. An ne pò nia mané ite tesć bele dés ju a edizions da dant dl Pest “Caterina De Cia Bellati Canal”
Pesć
La soma di pesć é de endut 6.000,00 Euro, spartida su te trei pesć dl valour de 3.000,00 Euro per l prum, de 2.000,00 Euro per l secont y de 1.000,00 Euro per l terz pest.
Juria
La Presidenza del Pest é metuda adum dal Istitut Cultural Ladin “majon di fascegn” de Sèn Jan, dal Istitut Ladin Cesa de Jan de Col, dal Istitut Ladin Micurà de Rü de San Martin de Tor y da la Université Ledia de Bulsan.
L giudize dla Juria è insindacabel. Ala se resserveia l dert de ne dé nia fora i pesć tl caje che les operes manedes ite ne vegne nia conscidredes de n livel adaté. Te chel caje vegnarà la soma de scioldi metuda da na pert per la edizion dl Pest che vegnarà do. Dlongia la sourandeda di pesć de scioldi, pò la Juria ence segnalé d’autri laours che l merita. L resultat dl concours vegnarà comuniché tres i organs de stampa, les stazions radio y les televijions locales, sui profii social y sul sit web dl Istitut Cultural Ladin “majon di fascegn” (www.istladin.net) n iade che la festa de premiazion é vegnuda fata.
Mané ite les operes
L concorent/La concorenta à da mané ite does copies de sia tesa o de sia publicazion: una tl format PDF y una sun papier. Chestes copies ne vegn nia retudes o paiedes. Ales à da vegnì manedes ite o sourandedes tl Secretariat dl Pest tl Istitut Cultural Ladin “majon di fascegn” Strada de la Pieif, 7 Fr. Vich – 38036 SÈN JAN (TN).
Al Secretariat saràl ence da ti mané, tres mail, les enjontes nominedes chilò dessot: 1. descrizion sintetica dla publicazion / dla tesa (una na plata), scrivan laprò: l ann de discuscion dla tesa, o de stampa dl laour, titul, autour, Université pro chela che an à se à laureé per les teses, y na sumeda dla opera tl publicazions. caje de 2. Sun papier scempl: declarazion de azetazion dla bandida y de azetazion dles dezijions dla Juria, sciche ence, per les teses, l’autorisazion a la consultazion. 3. Indicazion clera dles miscions de posta y de telefon, sciche ence dla adressa de eletronica.
Dutes les comunicazions dl Secretariat sarà tres email. Ai autours y a les autoures dles operes che la Juria conscidrarà “fora de argoment” ti vegnaràl fat al savei y ai/ales podarà damané, paian enstesc/enstesses l cost dla spedizion, che siei laours ti vegne retus.
Tomanza
Les operes, con duta la documentazion laprò, à da vegnì manedes ite o dedes ju anter i 4 de aost 2025. Sciche proa vélel l stempl dla posta.
Zerimonia de premiazion
La zerimonia de premiazion sarà via per l meis de november, aló dal Istitut Cultural Ladin “majon di fascegn” Strada de la Pieif, 7 Fr. Vich – 38036 SÈN JAN (TN) y dutes les persones che tol pert al pest é bele sen enviedes. La data avisa vegnarà fata al savei plu tert. Les persones premiedes giatarà atira na comunicazion. Mudamenc che aessa da ester vegnarà metus fora sul sit www.istladin.net.
I pesć ti vegnarà sourandés personalmenter ai davagnadours / a les davagnadoures (te caji ezezionai ence a na persona con delega); zenza ne vegnarài nia assegnés. I pesć vegnarà sourandés dai comembri dla Juria, dai comembri dla familia De Cia Bellati Canal, da raprejentanc di Enc Patrozinadours che aessa da ester, y da les autorités prejentes.
Secretariat dl Pest
L Secretariat dl Pest é tl Istitut Cultural Ladin “majon di fascegn” Strada de la Pieif, 7 Fr. Vich – 38036 SÈN JAN –(TN) e-mail: info@itladin.net. tel: 0462/764267. www.istladin.net
