Traduzione in ladino

“Pedies”: per en sabeda ai 7 de jugn vegn fora la puntata #489 del program ladin per la televijion

[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata n. 489.
I argomenc de chesta setemèna.
Ai 29 de mé l é stat la radunanza generèla de l’APT de Fascia, olache te anter i ponc al orden del dì l era l’aproazion del bilanz 2024 e la litazion di comembres del Consei diretif per l renovament di orghegn aministratives.
L event de la Scola ladina de Fascia per portèr dant e rengrazièr atlec, arcedadores, professores e tutor che laora per l projet Ski e Ice College. L projet, che ge dèsc l met a 75 atlec de conjobièr sport e studie, l à na rei de lurier che se dèsc ju per meter a jir n sistem de didament. Te chesta ocajion l é ence stat fat festa per Flora Tabanelli, studenta del Ski college, che chest an à vent Copa del Mond, mondièi e X-Games de freestyle.
Fradaa anter la scola populèra de Vich e de Fodom sun Pas de Fedaa per rejonèr de l’emportanza de stravardèr l’èga e no la verjumèr. I scolees a podù tor su n muion de informazions en cont de la Marmolèda e di giacees de gra al glaciologh de la SAT Norman Gasperini.
Per la rubrica “Piates: chel liber sun scancia” Alberta Rossi de la biblioteca del Istitut Cultural Majon di Fascegn la ne porta dant l liber “Ultima neve” del scritor Rumantsch Arno Camenisch.