Manà fora su Trentino Tv l program l vegn endrezà dal Comun General de Fascia

“Pedies”: per en sabeda ai 4 de otober vegn fora la puntata #506 del program ladin per la televijion

[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata n. 506.
I argomenc che porton dant te Pedies de chesta setemèna l é:
L Comun General de Fascia à tout pèrt a la Setemèna del Azet 2025 dal titol “Desvalivanzes: comunanzes adum per na sozietà più giusta”.
La desvalivanza l’é pèrt de la comunanza e, tras chela, se pel se fèr n pensier fon per jir sorafora i limic e sostegnir l svilup de la persona. Per fèr fora chest argoment l é stata endrezà trei evenc per picioi e gregn.
L’Azienda per l turism de Fascia, col didament de la sociazion no profit Patron, l à endrezà i CleanUp days. Firmes, sociazions, scoles e duta la comunanza les é states envièdes a rencurèr e remonèr nosc raion.
L Forte de Somenda, dit ence Sperre Someda, l é n fabricat fat su anter l 1898 e l 1899 dal Imper de Autria Ungheria per renforzèr sie confins. L patron Mariano Felicetti Zompin e l president de la sociazion Sul fronte dei ricordi Livio Defrancesco ne contia sia storia.
Per la rubrica “Piates: Chel liber sun scancia” Maria Piccolin da Moena, che per n muie de egn l’à ret la biblioteca de paisc, la ne porta dant n liber che conta di paijes e de la jent de Fascia.