Traduzione in ladino

“Pedies”: per en sabeda ai 28 de jugn vegn fora la puntata #492 del program ladin per la televijion

[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata n. 492.
I argomenc de chesta setemèna l é:
La prejentazion del prum album di Popcorner. La joena band fascèna l’à portà dant sie “Utar piata” en sabeda ai 21 de jugn aló da la Grenz a Moena. L album l tol ite sie cianzons originèles per ladin che les enresesc l argoment del mudament te desvaliva vides; n mudamnet che no semper l pel esser positif. N envit al publich a fèr na riflescion en cont del mudament e chel che l comporta.
Vedon ensema l ejit de la garejèdes de rampinèda states en sabeda ai 21 e en domenia ai 22 de jugn del 2025 a la ADEL Climbing Wall de Ciampedel. Do egn de Copa Italia n’autra bela sodesfazion portèda a cèsa per l Val di Fassa Climbing che de gra a n bel grop de volontadives l é stat bon de meter a jir na manifestazions de nonzech desche la tapa de Copa Europa Lead.
Te la rubrica de aprofondiment “Zebicher, per veder più davejin”: sion jic a se fèr contèr vèlch en cont del Ciastel de Andrac, te Fodom. Eleonora Demattia, Responsabola sezion musei del Istitut Cultural Ladin Cèsa de Jan, la ne à conta de chest lech fascinegol, pien de curiositèdes e rich de storia.