Traduzione in ladino
“Pedies”: per en sabeda ai 19 de oril vegn fora la puntata #482 del program ladin per la televijion
Manà fora su Trentino Tv l program l vegn endrezà dal Comun General de Fascia
[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata nr. 482. I argomenc de chesta setemèna l é:
La rica fin de setemèna endrezèda dai Giagres da Poza per se portèr dant a la comunanza, ge fèr cognoscer ai bec l bosch, la besties e nosc raion, e ence per fèr del ben. Dessema co la sociazion Bambi defat i à defat endrezà na cena de solidarietà, col vadagn tout su l é stat didà na familia che à de besegn.
Co la intervistes del president del Dolomiti Superski e del president de la SITC aon fat l bilanz de la sajon da schi tant che serèda su.
Tinultima n servije de aprofondiment per portèr dant l event de inaudazion de l’Aisciuda Ladina – festival del lengaz. Te chesta ocajion, a vint egn da sia mort, l é stat recordà Danilo Dezulian dal Garber rechia, co la prejentazion del liber che à regoet sia poejies amò no cognosciudes e la entitolazin de la sala de la Ciasa de la Moniaria. Duc i enc che colaborea per meter ensema la scomenzadives del event identitèr de maor emportanza per Fascia, che per i doi egn 2024-2025 met dant l argoment de la toponomastica, i à portà dant l program de la edizion tant che inaudèda.
I report de chesta setemèna, enjigné da Riccardo Zanoner, Sabrina Riz e Angela Pederiva, i vegn porté dant co la ousc de Angela Pederiva.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol,“Pedies” l va fora su Trentino Tv – canal 10 de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program ades l va fora ence sun AltoAdige TV – canal 11 de BZ - vigni domenia da les 18.00 (sie da sera).
Traduzion di Servijes Linguistics e Culturèi del Comun general de Fascia
(cdt)
Immagini
