Manà fora su Trentino Tv l program l vegn endrezà dal Comun General de Fascia

“Pedies”: per en sabeda ai 16 de aost vegn fora la puntata #499 del program ladin per la televijion

[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata n. 499. I argomenc de chesta setemèna.
L portoi da la rodes per la val de sora: I Ombolc de Ciampedel e Cianacei te na intervista.
La eves e la produzion de la miel. Saon che la eves les à na gran emportanza acioche vae inant la vita, la produzion de magnadiva e la biodesvalivanza. Ti ultimes tempes col tempram che muda de bot, gregn ciauc, boraschèdes e vent ence la eves e la produzion de la miel les é manacèdes.
Na neva scomenzadiva da pèrt de Sport Check Point per chest istà: jir a pesc. Chesta l é na atività che dèsc l met de troèr momenc de pèsc tel chiet de la natura, e se la vegn fata con esperc, la dèsc l met de cognoscer zeche da nef, se tor l temp e sel goder, stajan tel fresch apede n lech o n ruf da mont, col rumor de l’èga che chieta via i pensieres. N’atività sporta a gregn e picioi per stèr a l’averta, stèr ensema e emparèr zeche da nef.
“Università nelle Valli Dolomitiche”: l Comun General de Fascia e la Magnifica comunità de Fiem jà da vèlch an i dèsc so sostegn a l’Università de Trent, per meter a jir n percors de laurea en Gestion Aziendèla a temp smendrà. La lezions per i studenc de Fascia e Fiem, l vegn fat a Pardac do vea. Se pel se scriver ite enfin ai 29 de aost. Se pel troèr autra informazions sul scit de l’università de Trent o su la piata Facebook “Università nelle valli dolomitiche”.