Traduzione in ladino

“Pedies”: per en sabeda ai 15 vegn fora la puntata #473 del program ladin per la televijion

[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 473. I argomenc de chesta setemèna l é: la Copa del Mond de Ski Cross la é ruada enstadì per la pruma outa sun Sèn Pelegrin, sul portoi Ski Cross Munciogn. Na bela sodesfazion per l Comitat Gregn Evenc de Fascia che, en colaborazion co la Union Sportiva Monti Pallidi e l didament de la sozietà impianc portamont Ciadenac, de la scoles de schi e di schi club de la Val, l à endrezà n event da spetacol con protagonisc ence i atlec taliegn; l’Union di ladins de Fascia l à metù a jir la seconda edizion del cors de acherle, chesta outa con Carlotta Pederiva Brognola che la ensegna a fèr na picola tascia. Carlotta con gran gust la laora fora desferenta robes: maions, maietes e ence guanc da bagn; te la rubrica de aprofondiment “Zebicher, per veder più davejin” vegn portà dant Ra Regoles de Anpezo, na istituzion veiora che l’à segnà l destin de chesta comunanza e de so teritorie. L’intervista de Stefano Lorenzi, Secretèr de Ra Regoles de Anpezo, la conta del passà, anchecondì e davegnir de chesta organisazion comunitèra.