Traduzione in ladino
“Pedies”: per en sabeda ai 15 de mèrz vegn fora la puntata #477 del program ladin per la televijion
Manà fora su Trentino Tv l program l vegn endrezà dal Comun General de Fascia
[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 477.
I argomenc de chesta setemèna i rejona duc de la Eles e l é: Maria Piaz de Pavarin, cognosciuda da duc desche la mare del Pordoi, l’era ne femena forta con cef imprenditorièl che à abù na vita piena de sodesfazions, ma ence con tropa dificioltèdes; la é stata recordèda enstadì con n event endrezà da la sociazion “La Voce delle Donne” en ocajionde sie 20eisem cedean; Intreciades: la mostra coletiva te la Lanserhaus de Eppan, olache nef eles badiotes à portà dant sia èrt e, te la Dì internazionèla de la Eles, les à palesà sie pensier e les se à confrontà en cont a la fegura feminina te la desferenta èrts; te la rubrica “Zebicher: per veder più davejin” porton dant i besegnes de la families daldidanché e i didamenc a la leta e cheche vel dir doventèr genitores te la sozietà de anchecondì olache, de zenza, l é amò la femena che se tol su i cruzies di mudamenc do che nasc i fies.
I report de chesta setemèna, enjigné da Angela Pederiva e Sabrina Riz, i vegn porté dant da la ousc de Angela Pederiva.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Sudtirol, “Pedies” l va fora su Trentino Tv – canal 10 de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program ades l va fora ence sun AltoAdige TV – canal 11 de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina.
Se pel veder i servijes un a un su la piata Facebook de TV Ladina.
Traduzion di Servijes Linguistics e Culturèi del Comun general de Fascia
(cdt)
Immagini
