Traduzione in ladino
“Pedies”: l é fora la puntata #465 del program ladin per la televijion
Manà fora su Trentino Tv l program l vegn endrezà dal Comun General de Fascia
[Ladino] Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata 465.
I argomenc de chesta setemèna l é: l scomenz de sajon de garejèdes de Copa del Mond de brea per l atlet da Moena Mirko Felicetti, che, giusta de retorn da la trasferta te la Cina, che ge à portà n beliscim terz post, l ne à contà mignol de coche la é do a jir la squadra di joegn atlec taliegn; la Hofburg de Persenon doventa la paladina del maraveous jech de lumes e museghes dal titol Colors 2 - the journey continues. L spetacol se pel l veder vigni sera enscin ai 6 de jené. De chest aon rejonà con Johanna Frenner de Persenon Turism; en ocajion de la festes de Nadèl l Chech Matthias Chiocchetti ne porta dant na rezeta da fèr gola: bocogn de cerf ai saores da d’invern. Na rezeta da cogner fèr sot chesta festes!
I servijes de chesta setemèna, enjigné da Riccardo Zanoner, Angela Pederiva e Sabrina Riz, i vegn porté dant da la ousc de Sabrina Riz.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
Se pel veder duta la puntates ence sul canal YouTube de TV Ladina sot chest link: https://www.youtube.com/@TvLadina
Se pel veder i servijes un a un su la piata Facebook de TV Ladina: https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
(cdt)
Immagini
