Traduzione in ladino

“Pedies”: l é fora la puntata #460 del program ladin per la televijion

[Ladino] N nef apuntament de “Pedies”, l program ladin de informazion, ruà a la puntata 460. I argomenc de chesta setemèna l é: la sentèda del Consei General che la é stata aló da la senta del ent en mèrtesc passà ai 12 de november, e olache l é stat tout dant 10 ponc al orden del dì. Anter chisc, 3 interogazions del grop de mendranza Fassa e l’aproazion del Pian Organich de politica linguistica e culturèla per l an 2025; i dac e i ejic de la gestion del refudam de chest an. En cont de chesta tematica l é stat intervistà l responsabol del servije che l à metù al luster aspec positives e negatives de la regoeta desferenzièda. Amò apede, l à fat a saer che per l an che vegn vegnarà metù en esser mudamenc emportanc che i revèrda dut l teritorie de la provinzia; tinultima, te chesta puntata jirà fora endò la rubrica dal titol “Svampol ciatarul” dedichèda a personajes particolères e de nonzech dal pont de veduda sozièl artistich e culturèl. La persona che vegnarà portèda dant chest’outa l é la menacrep e maestra de schi Marika Favé da Ciampedel.