Traduzione in ladino

“Pedies”: l é fora la puntata #458 del rotocalch ladin

N nef apuntament de “Pedies”, l rotocalch ladin de informazion, ruà a la puntata 458. I argomenc de chesta setemèna l é: la Festa del Rengraziament, endrezèda vigni an da l’Union di Ladins de Fascia, chest an la ge é stata dedichèda a la Ciasa de la Moniaria e ai monesc de Fascia. L frabicat restaurà da pech l é doventà cèsa de cultura, neva senta de l’Union di ladins de Fascia e di Servijes linguistics e culturèi del Comun General de Fascia e, per l’ocajion, l é stat inaudà e avert a la comunanza; l Fassa Coop enstadì l à chiamà ite avantores e colaboradores del Ingross per na dì de festa: l é stat coscita inaudà la neva strutura smaorèda de 1600 m2. L President Norbert Bernard e l Diretor generèl Luca Giongo te sia intervistes i porta dant la neves e i mioramenc del servije del magasin per la firmes, ma ence per i lurieranc de chest setor; "Ciantèr sa mont": en sabeda ai 26 de otober te gejia del Sacro Cher a Cianacei l é stat la 19eisema edizion de la rassegna de cores da mont endrezèda dal Cor Valfassa. Apede al cor de cèsa, che à ciantà ence per ladin, i cores “Die Cohrherren” da l’Austria e “Coro Cima Verde” da Vigo Cavedine.