En ocajion de la festa de benefizenza che vegn metù a jir a Moena en domenia ai 21 de jugn, a recordanza de Fratel Elio Croce miscionèr te l’Africa e più avisa te l’Uganda per sacotenc egn, la redazion de PEDIES per la puntates nr. 543 e 544 che les va fora en sabeda ai 20 e e n sabeda ai 27 de jugn, la met dant l docufilm che ge é stat dedicà olache l conta de so vita, de sia esperienzes anter veres, orfegn e pera jent, de fac e avenimenc entravegnui te sia miscion.
Recordon che la Festa la vegn fata aló dal AGRITUR EL MAS a Moena e duta la bonamans les ge vegnarà sportes al St. Jude Children’s Home tel Uganda.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv – canal 10 Prov. de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program l va fora ence su AltoAdige TV – canal 11 Prov. de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina
La puntata de chesta setemèna la vegnarà fora entorn la medema ora de la televijion.
Se pel veder i report un a un su la piata Facebook de TV Ladina.
https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
