A Sèn Jan col projet “Sentadins se doenta" l é stat metù su l Consei de Comun de la Bezes e di Bec con chela de i arvejinèr a la istituzions. À tout pèrt la classes 4ª e 5ª de la Scola Populèra e la classes 1ª, 2ª e 3ª de la Scola Mesèna che à lità Nicole Oberthaler ombolta e i assessores. Ti meisc che vegn i enrescirà fora i besegnes dal pont de veduda de la comuanza più jona e i li portarà dant al Consei de Comun de Sèn Jan di gregn.
Itineramente - l’ènema inclujiva di lesc l é n projet per n turism dassen azessibol. Da na idea de n comun de Fascia, do svilupèda con formazion, enrescida e l zil de l’inclujion, Agnese Tagliavini l à metù su na rei de colaborazion anter Anffas, Zerostacoli, sportabili de Pardac e Fassa Fiemme sport inclusivo, per endrezèr n manuèl digitèl olache duc pel troèr fora lesc azessiboi da poder se goder en ferie o per na raida tel temp ledech. L prum percors del projet l tol ite ence Fascia e l Museo ladin.
L chech Moreno Valentini del restorant Tobià de Zeli a Dèlba, ne porta dant na rezeta per da Pèsca coi saores da d’aisciuda: ris con spèrjes, ardel brostolà, formai de ciaura e menta. Moreno moscia sie secrec per fèr n ris delizious acioche duc posse proèr a l fèr ence a cèsa.
I reports de chesta setemèna i é stac enjigné e porté dant da Riccardo Zanoner e Angela Pederiva.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv – canal 10 Prov. de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program l va fora ence su AltoAdige TV – canal 11 Prov. de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina
La puntata de chesta setemèna la vegnarà fora entorn la medema ora de la televijion.
Se pel veder i report un a un su la piata Facebook de TV Ladina.
https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
