Te Fascia, ló dal Distret Sanitèr a Sèn Jan, l é stat inaudàla neva Cèsa de la Comunanza, n lech pont de referiment per duc i besegnes de la persona, tant dal pont de veduda sanitèr che sozièl e assistenzièl, con n endrez più coordenà, olache pel se oujert sentadins e ghesć.
L Dolomites ski jazz l é ruà a sia 30eisema edizion, apuntament de nonzech per l jazz te nosc raion, aprijià per la musega semper ezelenta, i lesc da marevea e n contest aiegher. Con 27 conzerc te 10 dis e lesc desferenc, ence chest an l festival del jazz à abù n bel suzes, apede ence n viac te l’Argentina col tango del grop Cûr di Veri.
L’hockey fascian, coi Fassa Falcons e sia neva gestion, l é stolz de la sajon tant che serèda su. Resultac positives e sodisfazions da pèrt di jiadores, del staff e de dut l diretif. Na sajon che à fat crescer tant la squadres di bec e joegn, che ades tol ite più che 100 atlec, che la gaissa de la comunanza che va al stadie a tegnir su i colores bienc e brugn.
I reports de chesta setemèna i é stac enjigné e porté dant da Angela Pederiva e Riccardo Zanoner.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv – canal 10 Prov. de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program l va fora ence su AltoAdige TV – canal 11 Prov. de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina
La puntata de chesta setemèna la vegnarà fora entorn la medema ora de la televijion.
Se pel veder i report un a un su la piata Facebook de TV Ladina:
https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
