A Ciampedel l é na palestra moderna per la rampinèda sportiva, la ADEL, dedichèda ai socoridores Alessandro, Diego, Erwin e Luca che del 2009 i é morc te val Lasties, che la é gestida da la sociazion val di Fassa Climbing. Chesta sociazion la se dèsc ju per ge fèr cognoscer a semper più jent la rampinèda e la colaborea col Socors da mont, i Ciamorces de Fasha, l CAI SAT e i menacrepes de val per endrezèr evenc e scomenzadives.
Tel chèder de l’Aisciuda ladina, festival del lengaz, endrezà vigni an dal Comun General de Fascia co l’Union di Ladins de Fascia, la Scola ladina de Fascia e l Istitut cultural ladin - Majon di fascegn l é stat enstadì doi evenc che rejona de ambient e toponomastica: la prejentazion del liber “Flora de Fascia” publicà da l’Union di ladins e la raida a Soraga col menatroes Giuliano Pederiva per cognoscer toponimes e curiositèdes de lesc mingol desmentié.
Per la rubrica “PIATES: chel liber sun scancia” olache vegn portà dant libres e publicazions per cognoscer argomenc curiousc e desferenc, te chesta puntata Maria Piccolin, che per n muie de egn l’à ret la biblioteca de Moena, la rejona del liber “Bel paese brutta gente” del scritor del Südtirol Claus Gatterer che conta de sia vita e soraldut de sia esperienzes vivudes anter la doi veres sot l fascism.
I reports de chesta setemèna i é stac enjigné e porté dant da Riccardo Zanoner e Angela Pederiva.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv – canal 10 Prov. de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program l va fora ence su AltoAdige TV – canal 11 Prov. de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina
La puntata de chesta setemèna la vegnarà fora entorn la medema ora de la televijion.
Se pel veder i report un a un su la piata Facebook de TV Ladina.
https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
