Inaudèda enstadì la mostra “Imprescions” del artist fascian Fernando Brunel. I bie chèdres a elech che palesa l’amor del artist per i colores e l contrast, e ence per i paesajes de nosc raion, i é stac porté dant co la musega de Sabina Willeit, compagnèda al piano da sie om Giorgio Fasciolo, che à ciantà la cianties del Canori. Se pel veder la mostra sa Vich te Tobià de Val enscin ai 23 de aost.
L’Union generèla di ladins dla Dolomites met endò a jir l Ladiniatour, event de musega moderna con cianties per ladin. Dai 2 ai 4 de otober a Urtijei, a Cianacei e a la Ila, musizisć ladins portarà sun paladina si toc per ge dèr sbunf a la musega per nosc lengaz mère. Per se enjignèr a chest event ve portaron dant i gropes, ciantarins e ciantarines de la trei valèdes ladines che tolarà pèrt a chesta neva edizion del Ladiniatour. Per prum jon a cognoscer l grop Popcorner da Fascia.
Te la rubrica “Svampol ciatarul, jent che fèsc jerveèr sie cunst” olache fajon cognoscer personajes da la ladinia che à capazitèdes o stories foradeanter, se porta dant Tania Detomas. Tania ne conta de coche e precheche la é doventèda maestra de yoga e de coche la meditazion e l yoga ge à didà a troèr le responetes per stèr ben te l’ènema e tel corp.
I reports de chesta setemèna i é stac enjigné e porté dant da Doris Valentini e Angela Pederiva.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv – canal 10 Prov. de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program l va fora ence su AltoAdige TV – canal 11 Prov. de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina
La puntata de chesta setemèna la vegnarà fora entorn la medema ora de la televijion.
Se pel veder i report un a un su la piata Facebook de TV Ladina.
https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
