La famililes cernudes fora les ciaparà da Istat na letra informativa co la credenzièles per l azes al sit e per scriver ite a na vida autonoma l chestionèr. Dai 12 de november, i comuns i manarà fora stroz per l teritorie rilevadores per intervistèr la families che no à responet on-line. L operador che fèsc la intervistes per Istat l’arà n cartelin con foto e stempel del comun. Amò apede, se pel domanèr n document o chiamèr l comun per verifichèr sia identità.
(A cajon de empedimenc logistics da man del corier enciarià da Istat, la letres informatives co la credenzièles per l dombrament les é do che les rua tardives fora per la cèdes). Per veder se se é stac touc ite, ge vel chiamèr l Numer Unich Istat 1510 dal lunesc a la sabeda da les 9 a les 21, controlèr la PEC a l’App IO.
Spetan che rue la letra informativa sotscrita dal President del Istat co la credenzièles, se pel scriver ite l chestionèr:
- On line, duran l document de identità eletronich o Spid (chisc i passajes: druchèr sul link ofizièl https://raccoltadati.istat.it/questionario/ ; azes con Cie o Spid, scriver ite e manèr ite, desćiarièr l rezepis);
- jir o chiamèr l zenter comunèl de rilevazion del comun.
I dac biné su tel dombrament i vegn traté a na vida anonima. Istat stravèrda la privacy di sentadins e l doura la informazions bele demò per rejons statistiches tel respet de la normativa en doura. Per smaorèr chest patrimonie zis emportant de dac statistics e cognoscer miec l Paisc olache stajon, ge vel che sie na colaborazion da man de duta la families cernudes, che les vegn a esser na raprejentanza de duta la jent.
Se recorda che tor pèrt al dombrament l é n obligh de lege, ma ence na gran ocajion.
Per de autra informazions, jì su la piata: www.istat.it/it/censimenti/popolazione-e-abitazioni
Traduzion di Servijes Linguistics e Culturèi del Comun general de Fascia
