Martedì, 13 Ottobre 2026 - 13:54 Comunicato 3044

Va de 12 finz as de 26 van schanmikeal a naia moglechkait ver za stelln vour de vrogn
Òrbetn pet de pain, bider augatu’ der bando ver de paitrogn

Traduzione in mòcheno

[Mòcheno] S hom se bider augatu’ de zaitn ver za stelln vour de vrogn ver en jor 2026/2027 ver za hom hilf ver ber as òrbetet pet de pain. De Provinz gip bider de moglechkait, ver de sèlln as de pain hom ont as enteressiart sai’, za vrong an zuazol pet en gèlt as nou plim ist, ver en sèll as keart en de òllgamoa’lòntschòft Politik (PAC).
“Ber hom tschbunnen za tea’ bider au der bando ver za gem aus òlla de zuazoln as nou semm plim sai’ - unterstraicht de provinzalassessor en de lòntschòft Giulia Zanotelli -. Derno va de earste ovòll, sai’ semm plim nou 90 tausnt euro as meing kemmen praucht ver òndra vrong.  S ist a schea’na moglechkait ver de sèlln as pain hom ont an vurm za prauchen van gònzn de zuazoln as stitzn an bichtegen sektor ver de lòntschòft, ver de birtschòft van lònt ont ver en unterstitz va de biodiversitet”.

[ Apicoltura Slomp, Fierozzo/Vlarotz]

S ist moglech vourstelln de vrong va de 12 van schanmikeal finz um oa’s nomitto va de 26 van schanmikeal 2026.

Ver de painhilf 2026/2027 de Provinz hòt vort galeik en gònzn 273.746,14 euro. En de vouder ovòll va de 30 van leistagest sai’ kemmen vourstellt vrong en gònzn ver 183.209,52 euro.

S sai’ nou plim 90.536,62 euro, as barn kemmen gem turch s bider autea’ van vrong.

De vrong barn miasn kemmen vourstellt vour um oa’s nomitto va de 26 van schanmikeal 2026, turch an portal van provincial lòntschòft informatische sistem SRTrento van adress  https://srt.infotn.it  oder turch der portal https://a4g.provincia.tn.it  .

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)


Immagini