
S ist an ausòndra mearerkultural naiekait, as hòt vour s gem oa’s en ònder unterhòltnung kan familie van toalnemmer.
De autonome Provinz va Trea’t gip an paitrog ver de roaskostn ont ver en versicherschutz.
S obècksl kimmp gatu’ en zboa verschidena toaln as tauern zboa bochen. S earste toal - unterhòltung en Trentin - de kimmp gamòcht va de 19 van heibeger finz as de 3 van agest 2025. Bail de doi zait bartn kemmen organisiart en toalnemmgrupp mearer trèffen pet de lokaln istituzionen ont untersuach asn lònt. S zboate toal - unterhòltung en auslònt - de bart kemmen gamòcht bail en 2026, benn as de zboa partner oa’ne leing se za mòchen sa pet a drauschaug van UMSe Lòntzòmmhòlt ont gilt gem en trentinische sozialzuazoln en auslònt va de Provinz.
De zait as men plaip en auslònt bart gem de moglechkait za trèffn ont kennen s lònt turch an ausòndra aussicht ont s gea’ en lònt van partner as gip unterhòltnung ont asou s verkearte va de trentinische gamoa’schòft va bou as men kimmp.
S vòlln o de vourstelln: as de 28 van hourneng 2025
Vrong ont vrogkòrt en doi link: https://www.mondotrentino.net/Iniziative/Interscambi-giovanili-Youth-Exchange-Programme/Interscambi-giovanili
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol