A ogne scontrèda podarà tor pèrt no più che 100 jent. Per poder ite te sala ge vel se creditèr manan ite na mail a la direzion partecipa.ospedale.fiemme@provincia.tn.it o scrivan ite l form a la sezion EVENTI de la piata internet dedichèda al percors partezipatif https://www.provincia.tn.it/Argomenti/Focus/Partecipazione-il-nuovo-ospedale-di-Fiemme .
Do dal salut di ombolc di comuns che ge dèsc alberch al event, l grop de lurier del prozes partezipatif portarà dant i lurieres de l’adunanza e endèna en curt vegnarà portà dant i ejic di desć tematics endrezé anter november e jené coi enteressé: categories tecniches (architec, enjegneres, dotores, infermieres), esponenc del setor ambientalist, economich e del volontariat.
I sentadins arà l met de se enformèr e de se documentèr avisa tras materièi metui a la leta te la sezion dedichèda del sit internet de la Provinzia Autonoma de Trent (a chesta direzion l link diret). Te la medema sezion del sit vegn publicà ence la idees e la proponetes portèdes dant dai sentadins e da la sociazions che vel palesèr sie pensier en cont de la localisazion del nef ospedèl (chiò l link a la osservazions portèdes dant). Se pel portèr dant osservazions scrites scin ai 28 de firé.
Traduzion di Servijes Linguistics e Culturèi del Comun general de Fascia
