Mearar gèlt vor in katalog von zungen vor di groazan
Naüge oportunitét zo maga lirnen di zungen taütsch un inglès vor di groazan
Traduzione in cimbro
[Cimbro] Zboa mildju euro, vo disan 30.000 vor bohintrate laüt, ditza iz ’z gèlt untargelekk vodar provintziàl Djunta, vürgetrakk von vitzevorsitzar Spinelli, zo gröazra in katalog von zungen vor di groazan, vor di djar 2025-2027, drinn in progråmm (FSE+) 2021-2027 vodar autonome Provìntz vo Tria.
“Pitt disan provedimént – khütta dar asesór Spinelli – bartz soin möglich stercharn da formatìf opfar un innvången mearare laüt. Asó sterchartma bazta khint getånt vor di groazan legante untar mearar gèlt z’zala di formatziong vor berda bill lirnen di zungen daz earst vo allz da taütsch un da inglés, saiz in di stattn, saiz in di lentar auz ar a bege. ’Z zil iz daz sèll zo geba mearar posibilitét zo giana hèrta vürsnen zo lirna un zo kreschra di zung kompeténtzan in di lentar vodar ünsarn Provìntz, innvångante hèrta mearare laüt un khemmante hèrta mearar kompetitìf.
Dar Katalog von zungen iz an oportunitét boda iz gehaltet herta mearar gearn un di laüt boda bölln nemmen toal soin hèrta mearar. Segante bia ma sait gelekk schètztma ke pittar zait makma gian vür zo kreschra.
Dar progråmm iz augehaltet vodar européan Uniong – Sotzial Font européo plus vor in 40%, von belese Stato 42 % un vodar autonome Provintz vo Tria vor in 18%.
’Z gèlt untargelekk khint asó z’soina vo zboa mildjü atz viar mildjü euro.
Übarsetzt von Schaltarle vor di zung von Toalkamou vodar Zimbar Hoachebene
(cdt)
Immagini
