De gran emportanza, tel chèder de la scomenzadiva, ence l sostegn finanzièl da pèrt de la Provinzia autonoma de
Trent, con n smaorament del contribut anuèl per l 2027, respet al 2026, da 94.623,04 a 105.000 euro.
Studie, lurier, tirocinies, servije zivil, ma ence temp ledech e esperienzes a la foresta: l ofize l sporc informmazions e orientamenc sun duc i setores de enteress per i joegn. Chi che va a domanèr i troa operasores enjigné che i sa da dèr n prum orientament e n aiut per capir da olà scomenzèr. No l é demò, G+ l é ence pont Eurodesk, la rei europeèna che la sporc informazions ai joegn su la oportunitèdes de studie, lurier e volontariat fora da la Tèlia.
La senta prinzipèla la é en via Belenzani 13 e la é averta dal lunesc al vender. Ma l ofize no l resta serà daite te cater mures. Se l troa ence periodicamenter tel contest del nef “Spazio Giovani Contentissimo”, per scontrèr i joegn ti lesc olache ic i va e portèr ence aló informazions e oportunitèdes.
E amò, fora per l an G+ l endreza scontrèdes de orientament te la scoles del Trentin. Te chela ocajions l met a jir ativitèdes de ofize slarià fora te duta la provinzia col sporjer n servije ence a chi che vif te la valèdes, dalonc da Trent.
Tinultima, i sarà nmuie i evenc metui a jir. L prum l se à tanche serà sù: ai 22 e 23 de otober G+ l à endrezà al “Contentissimo” la Fiera de la Mobilità Internazionèla “Go!”, olache à tout pèrt siecent persones anter bec e families
À tout pèrt a la scomenzadiva la Provinzia autonoma de Trent, Ad-personam, l’Università di Studies de Trent, Eures, Euregio, Europe Direct Trentin e na ventina de sociazions e agenzies spezialisèdes per sojornanzes internazionèles. Indèna l event, l è stat ence metù a jir n muie de scontrèdes personèèles coi esposidores.
L proscimo apuntament l sarà da d’aisciuda con la Fiera de la Oportunitèdes da d’istà.
Maor informazions e detaes su la oportunitèdes sul scit www.sportellogiovanitrentino.it .
Traduzion di Servijes Linguistics e Culturèi del Comun general de Fascia
