Lunedì, 16 Agosto 2021 - 15:45 Comunicato 2214

Traduzione in mòcheno
Mòrchn gamoa'n, nai verregl ver de regiar van paitrong

De vourtschbinn ver de bècksl stellt se vour as de òrbetn barn hom an guatn zaruk kearn ver en Trentin ont Sudtirol

An nain verregl ver de regiar van paitrong ver de mòrchn gamoa'n ver za laichter mòchen kemmen der iter ver za kriang ont regiarn de paitrong asou za gem de meglechket za mòchen projektn gilte ver de trentiner gamoa'schòft ont ver en sudtirol. De vourtschbinn stellt se vour an guatn zaruk kearn ver en trentin lont ont a regiar as past au nou mear en austoaln de paitrong as de Provinz va Trea't gip ver de lander aus region bou as der Trentin Sudtirol mòrcht.
Palazzo della Provincia autonoma di Trento [ Foto Romano Magrone Archivio Ufficio stampa PAT]

Der paritetische komitat ver de regiar van oa'ne sai' ver en paitrog van mòrchn gamoa'n hòt u'pfonk a ganauega untersuach as de nai vourtschbinn ver en verregl ver de regiar van gèlt, verregl as nou pesser van vourder ist.

Der document nimmp toal aa en naia istitutn, nai gamòcht abia a naia organissazion ver de hilfòrbet ver de programmazion ont regiar van groasa projektn, ont nou s vourtschbinn za mòchen toalnemmen de ouberndinstn van Region van Veneto ont de Lombardia pet de provinzn va Bellun ont Sondrio, ver sèll as keart de meglechket en de doin turch de longkòrtn van paritetische komitat ver za meing direkt gem de paitrong ont s gèlt va regiar.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)

(cdt)


Immagini