Ingètt zo macha di arbatn vor in naüge tunnel vor 8,5 mildjü aftn bege boda pintet Leve un Kalnètsch pittar Zimbar Hoachebene
Laaz, in viarn håm ingètt zo macha di arbatn
Traduzione in cimbro
[Cimbro] Da soin viare di firmen boda håm inngètt zo macha di arbatn zo: “pezzra un betarn in provintziàl bege n. 133 von Laaz – toal 1 (arbat S-136) zbisnen Leve un Kalnètsch un da Zimbar Hoachebene, aftz disan bege di vüarom geat vür untarzolega gèlt. Ditza iz bazta iz auzkhent von earst trèff bodase iz gehaltet in di emtar von provintziàl Åmt vor di apalte un di kontratte, un boda est bart vürgian nå dar protzedùr zo geba zuar di arbatn.
“’Z iz guat azta saibe interese von firmen vor disan prodjèkt boda iz khent vürgelekk pittnåndar pinn lentar bosen ågeat un boda hatt ’z zil zo pezzra in provintziàl bege n.133 von Laaz haltante in gåntz in groaz storege vèrt bdar hatt. Est paitpar azta kent zuargètt dar apalto zo macha di arbatn” ditza hatta khött dar vorsitzar vodar autonome Provìntz vo Tria Maurizio fugatti.
Dise naüng arbatn gian vürsnen nå in sèlln boda sa soin khent gemacht aftn bege von Laaz, vo disan, di lestn soinse gemacht verte ’z djar 2023 balda iz khent auzgepezzart dar tòkko zbisnen in kilòmetro 6,6 un in kilòmetro 6,8 (arbat S-891).
’Z izta khent augemacht pittnåndar pinn vüarom von lentar zo macha an uantzegen tunnel in nidarbart, di zboa stòregen stöll, anvétze, bartmase mang machan lai in khemmen auvarbart, ditza bart zuargem zo maga viazarn pezzar übarhaup balda iz vil trafiko.
Di arbatn vor disan earstn toal bartn khemmen zo khosta in gåntzan 8.583.500 euro, vo disan235.500 euro vor di sicharom, darzuar bartnda soin no soin 3.226.100 azta hettat auzzovalla eppaz bomen nèt sait impitet un åndarz.
Ma lekk vür zo macha verte di arbatn in 560 tang nå un nå.
Zo bizzasan mearar afte arbatn S-136 da
Übarsetzt von Schaltarle vor di zung von Toalkamou vodar Zimbar Hoachebene
(cdt)
Immagini
