Traduzione in ladino
La storia del Souramont, n suzes per la Jebia culturèla del Euregio
En jebia sera na “Casa della Pesa” piena e rèsa de jent
Avisa acà cent egn, ai 21 de jené del 1923, l goern fascist comanèa l’anescion forzèda di trei Comuns ladins del Souramont (Cortina d'Ampezzo/Anpezo/Haydn, Livinallongo/Fodom/Buchenstein e Colle Santa Lucia/Col/Verseil) a la provinzia de Belun, do che per secoi i fajea pèrt tel Tirol storich. Chesta storia l é stat l argoment de la Jebia culturèla dai 19 de jené, te la cèvena de la “Casa della Pesa” de Busan, a chela che à tout pèrt sacotanta jent.
L secretèr generèl del Euregio Marilena Defrancesco l ge à dat l benvegnù ai sacotenc ghesć, anter chisc, ence l diretor del Istitut Cultural Ladin Cesa de Jan de Col Denni Dorigo. La storia de la spartijon del Souramont dal Tirol storich la é stata portèda dant tras na letura scenica de tesć storics e d’aldidanché da man de sentadins dal post regolé col guant tradizionèl. A compagnèr l event l era la musega del ensemble “Kropya”.
La scomenzadiva de la Jebies culturèles del Euregio la é stata metuda a jir acà un an dal Euregio Tirol-Sudtirol-Trentin e da la sociazion culturèla “Casa della Pesa”. Ogne terza jebia del meis, aló da la senta del Euregio de Busan, l é n program rich e richent de evenc, laboratories e ocajions de cognoscenza per gregn e picoi. La jebia culturèla del Euregio che vegn la é ai 9 de firé del 2023.
Traduzion di Servijes Linguistics e Culturèi del Comun general de Fascia
(cdt)
Immagini
