Ai 25 de setember da les 20.30 te Museo Ladin notes e conties de la tradizion arbëreshë, col artist Alessandro Castriota Scanderberg, learà i ladins e l’autra comunitèdes.
L lengaz veior di albaneisc de la Tèlia te Fascia per "Identitèdes Adum"
"Traduzione in ladino"
[Ladino] Tel chèder del projet de la Majon di Fascegn “Identitèdes Adum - Identità Condivise", e en colaborazion co la sociazion “La Grenz” de Moena, l Museo Ladin de Fascia portarà dant en vender ai 25 de setember del 2026, scomenzan da les 20.30, n event unich de confront e laboratorie. La sera vedarà desche protagonisć i ladins de Fascia dessema co la jent de de autra identitèdes che à cernù Fascia per lurèr e viver.
Sarà na scontrèda fora de anter, co la partezipazion del musizist Alessandro Castriota Scanderberg, che portarà dant cianties arberësh, lengaz veior di albaneisc de la Tèlia, n viac musical che mena a cognoscer l melaur culturèl de la comunitèdes arbëreshë de la Calabria.
Al event tolarà pèrt raprejentanzes arbëreshë enciasèdes te Fascia e de autra comunitèdes, adum per zelebrèr l multiculturalism e l multilinguism. "Identitèdes Adum" l é defat n projet sperimentèl de multilinguism autozentrà. L multilinguism vegn durà desche n strument per valorisèr l confront identitèr e linguistich anter la cultura ladina dal post e la identitèdes desferentes che vif sul teritorie, con chela de fèr cognoscer e renforzèr la identità dal post.
“Chesta scontrèda l é n pegn per la soravivenza di lengac de mendranza” disc la Diretora del Istitut Cultural Ladin "majon di Fascegn". “Develpai a chi che, vegnan da de etres lengac e da de autra cultures, ge à volù ben a Fascia e al ladin, tolan la dezijion de se fermèr anter de nos e meter en pe l davegnir. I neves sentadins, che bendeché à fies che va te la Scola ladina, desmostra la volontà de crescer ensema tel respet reziproch. Emparèr ladin enchecondì vel dir se fèr ite e doventèr protagonisć atives te la miscion de l viventèr e l fèr perpeèr.”
La sera se dejoujarà anter discuscions, laboratories e confront su la tradizions musicales e naratives, pean via da la rica realtà del ciantèr populèr arbëreshë e jan a chierir ponc de coleament co la cultura ladina e con chela de de autra comunanzes linguistiches.
Envit a tor pèrt
L event l é out a duc: este curious, stèste te Fascia ma te vegnes ca da n auter stat, region o continent? Veste contèr te museo tia storia e scutèr chela ladina e chela arberëshë? Te speton te Museo Ladin.
Informazions e enscinuazions:
Data e ora: en vender ai 25 de setember 2026, da les 20.30
Lech: Museo Ladin de Fascia
Ne fèsc piajer se ve enscinuède dantfora.
Contac: museo@istladin.net | Tel. 0462760182
(S.Ra)
(pc)
Immagini
