Gerosa: "Ge sporje i augures de n bon lurier a la prof.ra Mattea Eccher, che col 1m de setember la sarà a cef de na scola che la raprejenta n pilèster fondamentèl per nosc teritorie”

L é stat aproà la graduatoria del concors per sorastant de la Scola Ladina

[Ladino] Con n provediment de la Jonta provinzièla prejentà dal assessor a l’istruzion Francesca Gerosa l é stat aproà la graduatoria finèla del concors per soradèr l’encèria a temp determinà de dirigent de l’istituzion scolastica e formativa ladina. A cef de la graduatoria e donca venjidora del concors l é la candidata Mattea Eccher, a chela che tel medemo temp ge vegn dat sù l’encèria de Sorastant de la Scola ladina, a peèr via col 1m de setember del 2026 per l temp de cinch egn alalongia, encèria che tel cajo la pel vegnir renovèda pe etres cinch egn.
"Co la nomina de Mattea Eccher a neva Sorastant de la Scola ladina, ge arseguron a chesta istituzion, che la raprejenta n pilèster fondamentèl per nosc teritorie, na guida stabola e competenta. La Scola de Fascia no l é demò n presidie educatif, ma l é l cher che bat per l stravardament, la trasmiscion e la promozion de l’identità linguistica e culturèla ladina. A la neva dirigenta ge sporje mie augures più sizieres de bon lurier per la gran endesfides che l’à tedant. Rengrazie l sorastant che lascia sia encèria, l professor Federico Corradini, per l empegn, la dedizione e la profescionalità che l à desmostrà a cef de l'istituzion te chisc egn", la fèsc a saer l'assessora Gerosa.