L provediment, descheche l é jà sat dit, l perveit per i benefiziaries n contribut per no più che 3mile euro, che l podarà vegnir smaorà cò fossa condizions particolères.
Tel detai, vegn pervedù amò 250 euro se duc i componenc de la familia i é joegn (menco che 40 egn) o se l é na cobia de joegn, 500 euro per families granes (amancol 3 fies a cèria), 500 euro se te la familia l é amancol una persona con n pediment amancol del 75%, 500 euro se l ICEF per la frabica abitativa publica con fit slejierì no l va sorafora l 0,41.
Se pel meter adum più che un smaorament, na zenza jir sorafora l limit del fit al an dalbon paà.
Modalitèdes de domana
La domanes les podarà vegnir portèdes dant dai 22 de setember del 2025 ai 31 de aost del 2026 aló dal ent local (Comunità de val/Comun de Trent) olache, sun sie teritorie, l é l cartier, col enjontèr l contrat de fit.
Per poder se emprevaler del contribut ge vel spostèr la residenza te n cartier a fit te un di comuns benefiziaries anter i 13 de setember e i 31 de dezember del 2026. L contrat de fit l cogn esser amancol de trei egn (tout ite renovamenc) e esser registrà a na vida regolèra. Pel portèr dant domana i sentadins taliegn e europeegn, estra che i sentadins extracomunitères con lizenza de sojornanza per n lonch trat de temp o amancol per doi egn te situazion de lurier. Enveze no se pel aer azes al contribut se se à deric de proprietà, de godiment o de jir a stèr te n auter cartier.
L avis e i detaes i é a la leta a direzion: https://www.provincia.tn.it/Servizi/Servizi-offerti-da-altri-enti/Sostegno-al-pagamento-dei-canoni-di-locazione-in-zone-periferiche-svantaggiate-bando-2025 .
I Comuns touc ite
L avis l enteressa 112 comuns de dut l Trentin: Albian, Altavalle, Amblar-Don, Andalo, Avio, Bedol, Bieno, Bleggio Superiore, Bocenago, Bondon, Borgo Chiese, Borgo d'Anaunia, Borgo Lares, Brentonico, Bresimo, Caderzone Terme, Caldes, Ciampedel, Campodenno, Canal San Bovo, Cianacei, Capriana, Carisolo, Carzano, Castel Condino, Castello Tesino, Ciastel-Molina de Fiem, Cavedago, Cavedine, Cavizzana, Cimone, Cinte Tesino, Cis, Commezzadura, Contà, Dambel, Dimaro Folgarida, Drena, Fai della Paganella, Fiavè, Fieroz, Folgaria, Fornace, Frassilongo, Garniga Terme, Giustino, Grigno, Imer, Lavarone, Ledro, Livo, Lona-Lases, Luserna, Massimeno, Mazin, Mezzana, Mezzano, Moena, Molveno, Nomi, Novella, Ospedaletto, Ossana, Palù del Fersina, Pancià, Peio, Pellizzano, Pelugo, Pieve di Bono-Prezzo, Pieve Tesino, Pinzolo, Porte di Rendena, Pardac, Primier Sèn Martin de Castrozza, Rabbi, Romeno, Ronchi Valsugana, Ronzo-Chienis, Ronzone, Ruffrè-Mendola, Rumo, Sagron Mis, Samone, San Giovanni di Fassa-Sèn Jan, San Lorenzo Dorsino, Sant'Orsola Terme, Sanzeno, Scurelle, Segonzan, Sella Giudicarie, Sfruz, Soraga, Sover, Spiazzo, Sporminore, Stenico, Storo, Strembo, Telve, Telve di Sopra, Tenno, Terragnolo, Ton, Torcegno, Trambileno, Tre Ville, Valdaone, Valfloriana, Vallarsa, Vermiglio, Vignola-Falesina e Ville de Fiem.
Traduzion di Servijes Linguistics e Culturèi del Comun general de Fascia
