Se trata de na esperienza multiculturèla straordenèra, che la perveit che la families di tousc che tol pèrt al projet les ge dae alberch una co l’autra. La Provinzia autonoma de Trent la dèsc sie didament con n contribut per i cosć del viac e per l’arsegurazion.
Vigni barat l vegn metù en esser te doi desvaliva fases che les à vigniuna na regnèda de 2 setemènes. La pruma fasa – azet tel Trentin – la é perveduda dai 19 de messèl ai 3 de aost del 2025. Endèna chest trat de temp vegnarà endrezà per l grop che tol pèrt a la scomenzadiva n calandèr de scontrèdes con istituzions locales e vijites compagnèdes sul teritorie. La seconda fasa – jir a la foresta – la é perveduda per l 2026, te n trat de temp dezidù a una anter i doi partner e col coordenament de l’UMSe Coejion teritorièla e valorisazion del capital sozièl trentin a la foresta de la Provinzia.
Stèr a la foresta podarà sporjer ocajions per veder e cognoscer l teritorie de destinazion, tras l’esperienza e l stèr aló de cèsa del partner che dèsc alberch e de la comunanza trentina de referiment.
Termin per portèr dant la domanes: ai 28 de firé 2025
Info e formulèr sun chest link: https://www.mondotrentino.net/Iniziative/Interscambi-giovanili-Youth-Exchange-Programme/Interscambi-giovanili
Traduzion di Servijes Linguistics e Culturèi del Comun general de Fascia
