Per i percorsc de istruzion da la scolines a la scoles autes e la formazion profescionèla la domanes les podarà vegnir portèdes dant da en mèrtesc ai 13 de jené a en lunesc ai 16 de firé del 2026, tras l azes al portal https://www.vivoscuola.it/iscrizioni tras SPID (Sistem publich de identità digitèla), CIE (Chèrta de identità eletronica) e CPS/CNS (Chèrta provinzièla/nazionèla di servijes).
Per la scolines , semper con referiment al an de scola 2026/2027, la enscinuazions les pel vegnir portèdes dant da en lunesc ai 19 de jené a en lunesc ai 2 de firé del 2026. I bec enciasé o sentadins te provinzia de Trent, che compiesc trei egn dant dai 31 de jené del 2027, à derit a la enscinuazion.
La domana de enscinuazion la cognarà vegnir portèda dant a na vida telematica tras l azes al portal http://vivoscuola.it/iscrizioni . Coi medemi termins vegn orì la pre-enscinuazions per i bec che compiesc trei egn anter l 1° de firé e i 31 de mèrz del 2027 aló da la scolina de l’area de utenza.
Chi che à de besegn de didament per la enscinuazion online pel se oujer ai portie provinzièi periferics e, aboncont, l é scialdi a la leta i zircoi de coordenament de la scolines.
Chiò l é a la leta informazions ence per servije mensa e sperlongiament del orarie.
Traduzion di Servijes Linguistics e Culturèi del Comun general de Fascia
