Der kurs bart u’vòngen en òlderhaileng en sitz va de Schual as u’leart en iberòllmedizin va de integriart universitet va de Tsunthaitbèrk, as hòt sitz ka Trea’t. De bart tauern 36 mu’netn ver an total va 4800 stunnen va pratikat ont teori. Bail de u’lear barts moglech sai’ òrbetn en de derkennt medizin ont asou barn kemmen garèchnt de stunnen va òrbet abia stunnen va kurs.
En òlla de dockter inntschrim en kurs barts kemmen gem an studiumprais va 11.603 euro as jor. Ver de sèlln inntschrim (as lem oder as nèt lem en a gamoa’ va de Autonome Provinz va Trea’t) as verhoasn, derno za hom kriak der diplom, za òrbetn en de trentinische derkennt medizin no en sèll as s provinzal gasetz paschraip, derzua en der studiumprais, pet a vrog, kònn men kriang finz as 25.000 euro as jor va mear. Der studiumprais ist kompatibilet pet de òrbetn as men kriak pet de derkennt medizin.
Der bando van konkurs ont de vrog asn doi link:
https://www.trentinosalute.net/Argomenti/FORMAZIONE-E-OPERATORI/Corso-di-formazione-specifica-in-medicina-generale/2026-2029/Bando-di-concorso-per-l-ammissione-al-corso-di-formazione-specifica-in-medicina-generale-2026-2029
Nochrichtn
Provinzaldinst ver de tsunthaitòrbet ont nètzn pet de Universitet
mail: serv.personalesanitarioeuniversita@provincia.tn.it - tel. 0461/494105
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
