Vor di untarschualn, di mittlnschualn un di obarschualn un vor da profesionèll formatziong di vorsch mang khemmen inngètt zbisnen in erta atz 13 von hoachnach un in menta atz 16 von hornung 2026 durch in portàl online https://www.vivoscuola.it/iscrizioni pinn SPID (öffentlesche Sistèm didjitàl identitét), CIE (elektrònesche khennkart) e CPS/CNS (provintziàl/natzionàl Kart von Dianst).
Vor di khindargért , hèrta vorz schualdjar 2026/2027 makmase innschraim von menta atz 19 von hoachnach sin an menta 2 von hornung 2026. ’Z mangse innschraim di khindar boda håm in vonsitz odar boda lem in di Provìntz vo Tria boda kompìrn di drai djar vor atz 31 hoachnach 2027.
Dar vorsch innzoschraibase bart mochan khemmen inngètt lai dursch in telematesche sistèm aftn portàl https://vivoscuola.it/iscrizioni . In di gelaichegen zaitn soinda offe di vor-innschraibung vor di khindar boda kompìrn di drai djar zbisnen in earst von hornung un in 31 von lentz 2027 in khindargart von lånt bosen zuarsteat.
Vor berda hatt mångl zo haba a hilf innzoschraibase online iz möglich vorsan in provintziàln schaltarla in di lentar odar in koordinamént zirkln von khindargért boda soin hèrta offe.
Da zo bizzasan mearar übar in dianst mensa un übar in orario vorlengart.
Übarsetzt von Schaltarle vor di zung von Toalkamou vodar Zimbar Hoachebene
