Azpe ma hatt sa khött da obar, dar provedimént lekk vür an djaregen schütz sin atz 3.000 euro boda mage khemmen no augeheft aztada bartn soin di konditziongen.
’Z khemmenda vürgelekk åndre 250 euro azta alle di sèlln vodar famildja soin djung (untar di 40 djar) odar azta ’z par iz djung, 500 euro azta di famildja hatt vil khindar (daz mindarste drai), 500 euro azta azta in famildja izta a mentsch bohintart daz mindarste vor in 75%, 500 euro azta di ICEF vor an öffentlesche quartìaro pittnan zis boma mage auhaltn iz nèt mearar baz 0,41.
Ditza gèlt Mage khemmen gelekk panåndar lai sin zo dekha in gåntz zis von djar.
Bia innzogeba in vorsch
Di vorsch bartn mang khemmen inngètt åhevante von 22 von herbestmånat 2025 sin in månat von snitt 2026 garade in lånt Åmt (Toalkamòu/Kamòu vo Tria) von lånt bodase vinnt dar quartìaro, legante panåndar in kontràtt von zis von haus.
Zo maga håm in schütz iztada mångl azta di famildja nemm in vonsitz in an quartìaro in umman von sèlln klamöündar zbisnen in 13 von herbestmånat 2025 un in 31 kristmånat 2026. Dar kontràtt mocht innhaltn daz mindarste drai djar (pitt vornaügarung o) un soin inngeschribet regolàr. ’Z mangda inngem in vorsch di belesan un européan pürgar un di pürgar vo auz Europa boda håm di briavan boda sicharn ke da mang lem da vor långa zait odar daz mindarste vor zboa djar azza håm an arbat. Ma mage nèt åvorsan in schütz azma sa hatt a haus soi slebart odar azma hatt in usufrutto.
Dar auzschraibung un allz daz sèll boda iz zo bizza mangmaz venne afte web sait https://www.provincia.tn.it/Servizi/Servizi-offerti-da-altri-enti/Sostegno-al-pagamento-dei-canoni-di-locazione-in-zone-periferiche-svantaggiate-bando-2025
Dise di kamöündar inngevånk
Da soin 112 di kamöündar in gåntz Trentino:
Albiano, Altavalle, Amblar-Don, Andalo, Avio, Bedollo, Bieno, Bleggio Superiore, Bocenago, Bondone, Borgo Chiese, Borgo d'Anaunia, Borgo Lares, Brentonico, Bresimo, Caderzone Terme, Caldes, Campitello di Fassa, Campodenno, Canal San Bovo, Canazei, Capriana, Carisolo, Carzano, Castel Condino, Castello Tesino, Castello-Molina di Fiemme,
Cavedago, Cavedine, Cavizzana, Cimone, Cinte Tesino, Cis, Commezzadura, Contà, Dambel, Dimaro Folgarida, Drena, Fai della Paganella, Fiavè, Fierozzo, Folgaria, Fornace, Frassilongo, Garniga Terme, Giustino, Grigno, Imer, Lavarone, Ledro, Livo, Lona-Lases, Luserna, Massimeno, Mazzin, Mezzana, Mezzano, Moena, Molveno, Nomi, Novella, Ospedaletto, Ossana, Palù del Fersina, Panchià, Peio, Pellizzano, Pelugo, Pieve di Bono-Prezzo, Pieve Tesino, Pinzolo, Porte di Rendena, Predazzo, Primiero San Martino di Castrozza, Rabbi, Romeno, Ronchi Valsugana, Ronzo-Chienis, Ronzone, Ruffrè-Mendola, Rumo, Sagron Mis, Samone, San Giovanni di Fassa-Sèn Jan, San Lorenzo Dorsino, Sant'Orsola Terme, Sanzeno, Scurelle, Segonzano, Sella Giudicarie, Sfruz, Soraga di Fassa, Sover, Spiazzo, Sporminore, Stenico, Storo, Strembo, Telve, Telve di Sopra, Tenno, Terragnolo, Ton, Torcegno, Trambileno, Tre Ville,
Valdaone, Valfloriana, Vallarsa, Vermiglio, Vignola-Falesina e Ville di Fiemme.
Übarsetzt von Schaltarle vor di zung von Toalkamou vodar Zimbar Hoachebene
