De haiser za gem en zins pet minder gèlt sai’ va ITEA S.p.A., de kemmen gem en zins en de familie as hom de rèchtn as prauchen ont as en de noat sai’ ver en gèlt ont ver en haus aa.
Van vouder jor, de vourstell van vrong ist lai online durch der portal “Stanza del cittadino” as men konn vinnen as de internetsait van Tolgamoa’schòftn oder va de Lòntschòft Val d’Adige (Gamoa’ va Trea’t).
A vòrt as men drinngeat, der vroger bart meing ausserschaung de haiser as meing kemmen tschèrlt, biavle lait as meing drinnlem aa (mindestn ont maestn) ver a niats haus.
Benns de haiser nèt pasn en de aigene familia, oder benns nèt enterèss hòt, mu men online innvilln der model “U’song de hausnoat”, òlbe durch en Stòttkearzimmer ont en de istituzional portaln.
Vour za trong inn de vrog, s ist noat za hom de kòrt van ICEF, as keart en de birtschòftlege situazion va de familia ver de beil as men s haus vrok.
Men vinnt mearera nochrichtn en de sait: https://www.provincia.tn.it/Servizi/Servizi-offerti-da-altri-enti/Locazione-di-alloggio-a-canone-sostenibile
Service video gamòcht van Drukomt en doi link
Assessor Marchiori
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
