De vrong kan konvenzionartn patronatn. S bart sai’ der leiste bòlket vour as kimmp u’ganommen der “nai Groasprojekt”

Groasprojekt, va de zboa van genner de nain vrong ver de jorzaitòrbeter

S bart sai’ der leiste bòlket ver za vourstelln de vrong pet de regln va iaz, vour as kimmp u’ganommen der “nai Groasprojekt”, ver en beil de kandidaturn barn meing kemmen vourstellt van earste to van prochet 2026, derno va de reform as va kurza zait ist kemmen u’ganommen .

Ver za vourstelln de vrog miast men: 

• sai’ a’ne òrbet oder sai’ sèlbstendegeòrbeter nèt inntschrim en de versicherung, as tschbinnen za kriang minder abia 4.800 euro bail en jor as men vourstellt de vrog; 
• hom untertschrim a Dinstoa’nekait pet en Zentrum ver de Òrbet;
• inntschrim sai’ ont lem en provinz va Trea’t en de leistn vinf jor, oder va zeichen jor durch en lem benns en leiste jor, en moment as men vourstellt de vrog, ist men inntschrim ont men lep semm;
• hom nèt minder abia: 49 jor ver de baiber ont 53 ver de mander. Ver ber as hòt s gasetz 68/99, de baiber miasn hom nèt minder abia 44 jor ont de mander nèt minder abia 48 jor.

  
Ver za bissn mearer
Ver en Groasprojektjorzaitòrbetn, u’riaven der Dinst ver de Hilfòrbet ont gilt gem en de Umbèlt  (SOVA) - Omt koordiniarung ont òrbetplòtz van u’stelltn:
Telefon: 0461 496168
Email: serv.sova@provincia.tn.it

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol