Ver de u’learben van earsteschualn en de zboateschualn ont òrbetu’lear de vrong barn meing kemmen vourstellt van eirta as de 13 van genner finz en ma’ta as de 16 van hourneng 2026, durch en portal https://www.vivoscuola.it/iscrizioni pet en SPID (òllgamoa’sistem va de digitalidentitet), CIE (elèktronesche Erkennkòrt) ont CPS/CNS (Dinst Provinzal/stòttkòrt).
Ver en kindergòrtn , òlbe ver en schualjor 2026/2027, bart men se meing innschraim van ma’ta as de 19 van genner finz en ma’ta as de 2 van hourneng 2026. S hom s rècht za schraim se inn de kinder as inntschrim sai’ oder lem en provinz va Trea’t, as barn drai jor hom vour de 31 van genner 2027.
De innschraimvrog bart meing kemmen vourstellt lai asn telematische vurm durch en portal https://vivoscuola.it/iscrizioni. Bail de glaiche zait barts offet sai’ de vour-innschraib ver de kinder as hom drai jor zbischn en earste to van hourneng ont en 31 van merz 2027 en kindergòrtn as de nutzersait.
Ver de sèlln as hilf prauchen ver de online innschraib barts moglech sai’ gea’ kan provinzaltirler van lònt ont s barn ompòrt gem de koordinamentring van kindergartn.
Do kònnt men vrong òndra nochrichtn asn èssdinst ont as de verlengerzait.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
