DESTINATÈRES
L vegn ametù a la scomenzadiva i studenc e la studentes che:
- te chest an de scola 2025/2026 i/les fèsc la clasc seconda di percorsc de istruzion de la scoles autes – de cater egn - o la clasc terza di percorsc de istruzion de la scoles autes - de cinch egn – te istituc scolastics taliegn;
- no i abie passà i 20 egn canche va fora l di del termin pervedù per manèr ite la domana;
- i é enciasé te la Provinzia de Trent;
- i fèsc pèrt, aldò del livel de condizion economica, de na familia col valor del ICEF “Familia” che vegn cà aldò de la
- Declarazion di redic e del patrimonie 2024, calcolà a peèr via coi 15 de setember 2025, valif o sot 0,83.
OLÈ
An de scola te n Stat fora da l’Union europeèna.
REGNÈDA
La regnèda del percors del an de scola la pel esser de dut l an (amancol 240 dis) o per na pèrt (amancol 110 dis).
PORTÈR DANT LA DOMANES
La domana per l stipendium la cognarà vegnir manèda ite, demò très prozedura online, da les 10.00 de en jebia ai 27 de november 2025 a les 12.30 de en vender ai 09 de jené 2026, diretamenter dal sit www.provincia.tn.it .
L paament del stipendium soradat l é sotmetù al vincol de aer fenì l an de scola 2025/2026 zenza debic formatives.
La sumes metudes a la leta les à l obietif de didèr paèr ju i cosć de sojornanza tel temp che l student l va a scola a la foresta. L endrez del percors enveze l resta a cèria del student e de la familia. La sumes soradates les mudarà aldò del Stat forest cernù fora, aldò del percors (anuèl o parzièl) e aldò del indicator ICEF “Familia”.
L import total a la leta de 500.000,00 euro l darà l met de finanzièr zirca cincanta stipendium.
Per informazions più avisa l Avis Extra UE se pel l tor ju dal sit: www.provincia.tn.it .
Traduzion di Servijes Linguistics e Culturèi del Comun general de Fascia
