La enscinuazions a chesta seconda setemèna les pel vegnir fates on line da les 9 da doman de en lunesc ai 30 de mé su la piataforma dedichèda con azes dal portal del Euregio: www.europaregion.info/it/sortcamp. La domanes les vegn toutes su con n orden cronologich de registrazion, scin canche sarà posć a la leta per ogne area geografica, tout ite ence n numer adatà de “resserves.
Chi che à ja abù la conferma de enscinuazion a la setemèna dai 17 ai 24 de messèl no pel se enscinuèr ence a chela dai 10 ai 17 de messèl. Vegn confermà ence che dant vegn tout su chi che tol pèrt per la pruma outa.
Sport, jeghes e spas al Euregio Sport Camp
L program l tol ite ativitèdes sportives e arcedamenc, laboratories de teater e cultura, jeghes. Avisa, se podarà proèr a fèr ence dotrei disciplines sportives da mont desche l skiroll biathlon, garejèdes de orientament, la rampinèda sportiva e i feres. L program l se sera su con vijites culturèles, spazirèdes, raides sa mont e jeghes desche l balon, beach volley, e – biking, dragon boat, fly lines e etres jeghes a l’averta e de abilità. Se l é catif temp la ativitèdes sportives les vegn endrezèdes ti lesc a sosta che met a la leta l zenter.
Scontrèdes coi miores atlec
Chi che tol pèrt arà l met de cognoscer i campions e i arcedadores del Grop sportif Fiamme oro, se arcedèr con ic, scutèr sie consees e cognoscer la motivazions che te engaissa a doventèr n campion del sport.
Speises
La quota de partezipazion la é de € 150 e la tol ite la supervijion, l magnèr, l post per dormir e duta la ativitèdes toutes ite tel program. Chisc scioldi no i vegn refonui da canche la enscinuazion la vegn confermèda, semper che no la vegne descancelèda per l Covid-19. L Euregio Sport Camp l vegnarà endrezà te doi lengac, la ativitèdes aboncont les podarà vegnir metudes a jir da personal calificà che rejona te sie lengaz mère, con sobito apede la traduzion. La partezipazion la perveit ence de portèr dant n test Covid – 19 negatif canche se rua a Moena, o l zertificat vert.
Informazions e enscinuazions: www.europaregion.info/it/sportcamp/
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)