Ditsa iz a bichtega multikulturàl esperientz, boda vürlekk ke di famildje gem sèlbart herbege in djungen boda nemmen toal in prodjèkt.
Da autonome Provìntz vo Tria gitt an schütz z’zala bazta khint gezert vor in viazo un vor di sicharung.
Ma darkhennt zboa fase vo zboa bochan aniaglana. Da earst fase – herbegen in Trentino – bart gian von 9 von höbiat sin atz 3 von snitt 2025. In disa zait vor in khnopf boda nimp toal in prodjèkt bartnda khemmen augelekk trèff pinn lokàln istitutziongen un di djungen bartn khemmen gevüart zo khenna ünsarne lentar. Da zboate fase – herbege in auzlånt – bart soin auz pan djar 2026 in di månat boda bartn khemmen detzidart pittnåndar, hèrta draugeschauget von Åmt vor da lånt pintom un zo geba vèrt in trentinar in auzlånt voda Provìntz.
In auzlånt bartma mang khennen di lentar boma geat zo stiana pittnåndar pinn laüt boda gem herbege un pittn trentinar boda lem afte sèlln saitn.
Zait innzogeba di vorsch: 28 hornung 2025
Info un formular vor in vorsch aftz disan link: https://www.mondotrentino.net/Iniziative/Interscambi-giovanili-Youth-Exchange-Programme/Interscambi-giovanili
Übarsetzt von Schaltarle vor di zung von Toalkamou vodar Zimbar Hoachebene
