Giovedì, 14 Marzo 2024 - 17:00 Comunicato 561

Na performance artistica neva per de mé
Ernesto Francalanci e la operes de Claus Soraperra de la Zoch te Museo Ladin de Fascia

[Ladino] Na ocajion per Fascia de se confrontèr con na realtà artistica neva, averta e alternativa, e con n maester prestigious de l’èrt contemporèna, col meter ite la operes del artist Claus Soraperra de la Zoch e la miscion del Museo Ladin de Sèn Jan te n contest più slarià fora e col averjer la strèda a na neva valorisazion di artisć fascegn contemporans, sun chela che la Majon di Fascegn vel lurèr. L é con chest snait che doman l Istitut Cultural Ladin tolarà dant Ernesto Francalanci, storich e critich de èrt de nonzech internazionèl, che l ruarà te Fascia per veder dantfora la neva operes de Soraperra.
La vijita à l obietif de endrezèr na azion artistica del artist fascian en strenta colaborazion col Museo Ladin de Fascia. La performance, che la se palesa desche deldut originèla e da marevea, l’à l zil de denunzièr l deteriorament de la cultura ladina e di valores che la tol fora e la à n titol zis provocatorie “UTEREs”, che aldò del azent (utère o ùtere) per ladin i fèsc referiment a n dopie segnificat: “utèr” o “mère”.
Museo Ladin de Fascia, Sèn Jan [ Istitut Cultural Ladin]

Endèna che se speta de anunzièr inout l event artistich pervedù per la fin de mé del 2024 apontin te Museo Ladin, la vijita de Ernesto Francalanci, che l analisarà la operes pitoriches de Soraperra proan a les meter ite te n contest contemporan tras sia critica provocatoria e engaissegola, ma semper costrutiva, descheche vegn fora da sie sacotenc scric e publicazions, sarà n met per fèr na reflescion su la cultura ladina, sul conzet de tradizion e sun cotant che chisc elements i sie amò vives, sentui e entivé dai ladins medemi.

Ernesto L. Francalanci à ensegnà te la Facoltà de Scienzes politiches de la Università de Pèdua e a la Californian University; dozent de Storia de l’èrt e diretor del Dipartiment de Storia, Critica e Teoria del Contemporan a l’Academia de Bela Èrts de Unejia, l à ensegnà ence te la Facoltà de Architetura de Triest e te chela de design e èrts IUAV a Unejia; autor de tesć de Storia de l’èrt per i licees e la universitèdes per l Istitut Geografich De Agostini e per Zanichelli e de sacotenc scric de storia, de critica de èrt e de estetica, l à colaborà col Istitut de la Enziclopedia talièna.

Rassegna stampa ad uso interno: Articolo da IL T - 17.03.2024

(S.Ra.)

Fonte: Istitut Cultural Ladin

Versione Stampabile

Immagini

Visualizza

Luogo

Come arrivare

Potrebbero interessarti: