La se à serà su con n gran bon ejit la seconda edizion del Pest cinematografich endrezà dal METS
Duc i venjidores del Pest internazionèl Giuseppe Šebesta per l filmat antropologich
Traduzione in ladino
[Ladino] La se à serà su con n gran bon ejit la seconda edizion del “Pest Internazionèl Giuseppe Šebesta per l filmat antropologich”, endrezà dal METS – Museo etnografich trentin Sèn Micel, che da en vender ai 16 a en domenia ai 18 de otober l’à regalà n fin de setemèna rich de emozions.
L Pest l ge é stat dedicà a la cinematografia documentaristica antropologica contemporanea, e l é stat bon de arjonjer na
resposta internazionèla straordenèra. L é stat portà dant adertura 1.200 lurieres da 121 Nazions per la candidatura, a conferma de la crescimonia del prestije che la se à vadagnà chesta manifestazione. Chisc l é i lurieres premié: per la sezion di filmac lonc “Of lead and coal / De pion e ciarbon”, antepruma talièna (Franzia 2025) di Thomas Uzan; per la sezion di filmac medians “Katran / Catram” antepruma europea (Turchia 2026) de Ali Rza Avc; per la sezion filmac curc prum pest per “Very small dreams / Ensomesc Picoliscimes”, antepruma talièna (Palestina-Franzia-Qatar 2025) de I’timad Washah e secondo
pest per “The wedding of the Pir’s / La noza de Pir”, antepruma regionèla (Turchia 2025) de Yalçn Çiftçi; per la sezion joegn “Rebom magich. Enrescida do pedies de n mond che no l é più”, antepruma mondièla (Italia, 2026) de Piero Tumminello.
L publich l à podù jir a vardèr la proiezions de la 30 operes finalistes (de chisc 27 anteprumes) che les à metù ju n percors dassen antropologich, con stories umènes da ogne cianton del pianet, ge dajan ousc a comunanzes, teritories e saeres che da spes i resta al de fora da l’atenzion mediatica.
"I filmac de carater etnografich i met dant na veièda sul mond e su l'umanità. Te n moment storich olache se seghita a sentir dir che sion duc omologhé e zenza desferenzes, chisc filmes i desmostra enveze de coche l om l é amò bon de contèr de sè très n muion de particolaritèdes", l à palesà Edoardo Winspeare, regist, scenegiator, produtor e president de juria“.
Traduzion di Servijes Linguistics e Culturèi del Comun general de Fascia
(cdt)
Immagini