Der Zòmmtrèff ist òlbe an schea’n moment bou as men trèfft se ver za klòffen van sprochminderhaitn, asou as de Junta mu’ verstea’ abia za trong envire de temen as zuakearn en de gamoaschòft bou as sai’ de storisce sprochminderhaitn.
En de punktn van toausmòchen en mitta zobenz hòt men klòfft va abia za trong envire de unterstitz ont s derret van minderhaitn en Trentin. Iberhaup der President va de Autoritet van sprochminderhaitn, der Dario Pallaoro, en klòffen pet de toalnemmer hòt vourstellt abia as ist bichte s zòmmòrbetn va de Provinz ont van tolgamoa’schòftn ver za lòng kennen de sprochminderhaitn en de lait van Trentin ont en de jungen iberhaup en de schual. An ònder s ding za schaung ist de gamoa’schòft ont de birtschòft. Ont abia bichte as ist mòchen umkearn de lait za lem en de doin eirter ont za prauchen s guat as de meing gem. Men tuat vourtschbinnen za schatzn de sprochpolitik.
Der profesor va de Universtitet va Trea’t Jens Woelk hòt kein abia bichte as ist ver de minderhaitn “leing se en rete” ont prauchen òllder de teknologi as s ist. Der hòt gor kein as de zeichen jarder as kemmen sai’ de bichtestn ver en derlem van sprochminderhaitn, ont ver dòs miast men mòchen an projekt ont schaung en de lònk zait ont lòng toalnemmen òlla de lait. Men miast versichern en de minderhaitn za meing se aloa’ schòffen en de doin jarder, men miast probiarn ver de sprochminderhaitn sèlber ont ver en gònz Trentin.
Bail de konferenz hòt klòfft gor de leareren Giorgia Decarli iberhaup va de bersntoler ont va de zinmber schual. Men hòt tsechen as gor benn s sai’ de gasetzn ver za derretn s rècht za learnen de sprochminderhait, s doi en de boreket kimmp nèt gatu’ – iberhaup ver de amministrativòrbet – va de schual.
S ist arauskemmen as, aa benn s s hòt an schouber gasetzn as kearn en an stòrchn derret van rècht ver za learnen de minderhait sproch, s hòt nèt en de boret an stòrchn vurm za gem no en tea' - iberbaup en amministrativ vurm as keart en de schual. S ist hòrt za vinnen de u'stelltn as kennen de sproch ont vill hom nèt kontrattn as tauern ver òlbe en de schual, ver de hilf ont ver òlla de ui’stelltn van kindergòrtn ont van earsteschual. S hearn se toal va de gamoa'schòft ont van lònt, a'ne bissn s bichte van bèrt va de minderhaitsproch, ist nèt ganua ver za hòltn lebet de sproch.
Ver en jor 2020, ver za hom vernaiert de orgln van gamoa'n ont van Comun general de Fascia, ont van envireziachen van leste to ver za mein trong de vrong ver de paitrong ont van projektn ver en informativplan gamòcht va de Provinzaljunta, s doi earste trèff ist bichte gaben aa ver za klòffen se as a toal bichtega sochen. S ònder vòrt as men bart se vinnen ver de zboate toal va de Konferenz van sprochminderhaitn s bart sai' en genner 2021 ont men bart u'nemmen de programmaktn as kearn en Programm ver de projektn ont òrbetn va de drukdinstn van jor 2021 ont en toaln van provinzal Gèlt ver de minderhaitn ver en jor 2021.
Letrattn ont vrong en President Fugatti gamòcht van Druckomt
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
