Dar kurs bart åhevan in månat von bimmat un bartze haltn in di spetzifege formatìf schual vo djeneràl meditzìn von sanitér universitét Amt von Trentino, boda hatt setz ka Tria. Dar kurs bart innhaltn 36 månat, daz mindarste vor 4800 urn teòresch un pratiko. Antånto azma macht disa formatziong makma allz ummaz arbatn azpe dokhtur un toal von urn arbat bartn khemmen geroatet azpe urn kurs.
Alln in dökhtür inngeschribet in kurs bartnen khemmen darkhennt 11.603 euro atz djar. Vor di sèlln boda soin inngeschribet (saiz azza vonen odar nèt vonen in an kamòu vodar autonome Provìntz vo Tria) un lengse untar, dòpo zo haba gevånk in diplòm, z’arbata in di trentinar struktùrn konvenzionart, nå in sèll boda auzmachan di provintziàln regln, barten khemmen zuargètt, ma lai dòpo azza håm ågevorst, a gèlt vo 25.000 euro aftz djar. Dar schütz khint zuargètt azma hatt inkarike in di struktùrn vo meditzìn konventzionàrt o.
Dar auzschraibung von konkurs un dar mustar innzogeba in vorsch venntmen aftz disan link: https://www.trentinosalute.net/Argomenti/FORMAZIONE-E-OPERATORI/Corso-di-formazione-specifica-in-medicina-generale/2026-2029/Bando-di-concorso-per-l-ammissione-al-corso-di-formazione-specifica-in-medicina-generale-2026-2029
Informatziongen
Provintziàl Dianst vor di sanitér arbatn formatziong un zo mittarbata pittar Universitét
mail: serv.personalesanitarioeuniversita@provincia.tn.it - tel. 0461/494105
Übarsetzt von Schaltarle vor di zung von Toalkamou vodar Zimbar Hoachebene
Übarsetzt von Schaltarle vor di zung von Toalkamou vodar Zimbar Hoachebene
