Con l President Mattarella per l cedean de la Republica e de l’Autonomia spezièla

Dì de l’Autonomia: ai 5 de setember la zerimonia istituzionèla per si 80 anni

[Ladino] “1946-2026: 80 egn de na Republica e de n’Autonomia spezièle” chest l argoment de la zerimonia istituzionèla per la Dì de l’Autonomia, endrezèda en sabeda ai 5 de setember, da mesa les 6 da sera, ló dal Teatro Sociale de Trent. L’apuntament, a chel che tolarà pèrt ence l President de la Republica Sergio Mattarella, l é stat endrezà per zelebrèr i 80 egn della Republica talièna e de la Cordanza De Gasperi-Gruber, che la é stata la basa del ordenament spezièl del Trentin-Sudtirol. Na scontrèda istituzionèla per viver endodanef otanta egn de istoria, estra che per se fèr en pensier en cont del valor de l’autonomia spezièla e de la pèrt che la è do a fèr anchecondì e la farà tel davegnir de chest raion.
A la zerimonia tolarà pèrt l President de la Provinzia autonoma de Trent Maurizio Fugatti, l President del Consei provinzièl Claudio Soini e l President del Consei de la autonomies locales Michele Cereghini.
Tolarà pèrt ence Umberto Gentiloni, dozent ordenèr de Storia contemporana a l’Università La Sapienza de Roma, che portarà dant “La forza della democrazia italiana: ottant’anni di una Repubblica”, e Giuseppe Tognon, President de la Fondazion Trentina Alcide De Gasperi, che portarà dant “Alcide De Gasperi e l’Autonomia. Storia di un accordo internazionale”.